就如此過了3個月，從開始的完全不適應，到盡量發揮，似乎忘記了一點，又得到了一點。

未來，從來就不是由自己完全掌握。

又到睡前談心時間......

媽：「你同峯峯都係媽媽嘅寶貝，你地都係喺媽媽肚度出嚟o家。」
嵐冧冧樣，然後指住門口問：「點解你揀呢個男仔做爸爸嘅？」
媽：「。。。。。邊個男仔啊？」
嵐：「出面成日砌模型嗰個啊！點解揀佢做爸爸啊？」
媽（O晒嘴mode):「um...因為佢對媽媽好嘛，媽媽同佢一齊開心囉。你鐘唔鐘意爸爸啊？」
嵐：「鐘意～」
之後嵐突然喺我耳邊講祕密mode
嵐：「我喺學琴o個度成日同黃柏浩玩生bb o家。」
媽（!!!)扮冷靜繼續問：「um...咁你係咪好鐘意佢做爸爸啊？」
嵐狂笑：「唔係啊，佢成日要做媽媽扮生bb，我要扮醫生啊！」
................................