又係睡前談心時間。
媽：「嵐好叻啊，讀完Ｋ１，下年讀Ｋ２，大個女啦。」
嵐突然問：「媽媽，你幾多歲啊？」
（又問?!）媽：「媽三十幾歲啦。」
嵐別個頭，突然抽泣，嚇親媽媽！
嵐邊喊邊講：「我唔想你老，唔想你上天堂啊，我會好唔捨得見唔到妳……」
（又諗到咁遠?!）媽抱緊嵐說：「媽媽未有咁快老到上天堂啦，你睇媽媽的媽媽都未上天堂，等嵐嵐好似媽媽咁大，媽媽都仲係度陪你o家。」
點知嵐聽見，喊得更勁，說：「你變左老人家，我咪認唔到你囉！」
媽：「點會呢，你一直陪住媽媽老就唔會唔認得啦，好似嵐嵐ｂｂ時同依家都唔同樣，媽媽都認得你嘛。」
嵐繼續不停喊不停喊，話自己太唔捨得所以停唔到，媽係咁幫佢抹眼淚，又心甜又心痛又不知所措。
最後……
媽：「其實…..媽媽得５歲咋！」
嵐果然停喊，瞪大淚眼問：「點解o既？」
媽：「因為未有嵐嵐之前，媽媽都未做媽媽，所以有左嵐嵐嗰時，媽媽先開始１歲咋！」
嵐似懂非懂，開始諗點解媽媽得５歲……
終於唔喊了…….
其實我細個都會無端肯諗媽媽會老會死，之後就自己係咁喊，呢個女都真係太似我了。
